Увч аймагт 7 настай хүү хоёр дүүгийнхээ амийг галаас аварлаа

Увс аймгийн Баруунтуруун суманд 2026 оны 2-р сарын 5 -ны өдөр 7 настай хүү гал түймрийн аюулаас 2 настай болон 6 сартай хоёр дүүгээ аварсан баатарлаг үйлс тохиолоо.
Тэрээр аюул тулгарсан мөчид сандралгүйгээр дүү нараа аюулгүй газарт гаргаж чадсан байна. Орон нутгийн Онцгой байдлын хэлтэс болон эх сурвалжуудын мэдээлснээр сумын төвд байрлах айлын гэр шатаж эхлэх үед хүүхдүүд гэртээ харгалзах хүнгүй байжээ. Гэр дотор гал авалцаж, утаа гарах үед 7 настай хүү эхлээд 6 сартай дүүгээ тэврэн гэрээс гаргаад эргэн орж 2 настай дүүгээ хөтлөн аюулгүй зайд холдуулж чаджээ.
Бяцхан хүүгийн эр зориг болон авхаалж самбаа гэр бүлээ аюулаас аварч чадлаа. Энэхүү үйл явдал нь хүүхдэд аюулгүй байдлын анхан шатны мэдэгдэхүүн олгохын чухлыг харуулж байна. Мөн долоохон настай хүүгээс хэчнээн их эр зориг, авхаалж самбаа гарч болдогийг харуулсан эерэг үйл явдал боллоо.