Газрын хуулийн төсөл Засагийн газар хэлэлцлээ. Хот суурин газарт газар олгох ажиллагаа бүрэн цахим болгох...

Өнөөдрийн Засгийн газрын хуралдаанаар, Газрын тухай хуулийн шинэчилсэн найруулгын төслийг хэлэлцэн дараах шийдвэрүүдийг гаргалаа.

Тодруулбал, хот суурин газарт газар олгох үйл ажиллагааг бүрэн цахим хэлбэрт шилжүүлэхээр шийдвэрлэв. Ингэснээр газар олголтын үйл явц ил тод, нээлттэй болж, авлигаас ангид, шударга тогтолцоо бүрдэх ач холбогдолтой юм.
Мөн малчин өрхөд өвөлжөө, хаваржааны зориулалтаар 1 га хүртэлх газрыг эзэмшүүлэх асуудлыг анх удаа хуульчлахаар тусгажээ.
Үүнээс гадна газар тариалангийн бүс нутагт тогтвортой ажиллаж, амьдарч байгаа иргэдэд гэр бүлийн хамтын хэрэгцээнд зориулан үр тариа, хүнсний ногоо тариалах 5-100 га хүртэлх газрыг давуу эрхээр эзэмшүүлэх зохицуулалтыг төслийн хүрээнд тусгасан байна.