Монгол залуу Даваанямын Батзаяа- н үүсгэн байгуулсан SaiNgon кофе брэнд Зүүн Өмнөд Азийн зах зээлд амжилттай нэвтэрч, Nestlé, Nescafé, Wonda, Starbucks зэрэг дэлхийн брэндүүдтэй өрсөлдөж байна. Түүний компанийн үйлдвэр нь Вьетнамд, төв оффис нь Куала Лампурт, борлуулалтын салбар нь Брунейд үйл ажиллагаа явуулдаг бөгөөд ойрын хугацаанд Тайландад шинэ оффис нээхээр төлөвлөжээ.
SaiNgon кофе нь чанар, савлагааны өвөрмөц байдлаараа хэрэглэгчдийг татаж, борлуулалт нь эхний найман сард 1 сая лаазад хүрч, одоогоор 7-Eleven-ийн 2500 гаруй салбарт худалдаалагдаж байна. Үүсгэн байгуулагч Батзаяа бүтээгдэхүүнээ залуу бизнес эрхлэгчдэд зориулан “Fuel for Modern Hustlers” уриатайгаар танилцуулж, судалгаанд үндэслэн амжилттай стратеги боловсруулсан гэж онцоллоо.
SaiNgon кофе нь монгол залуугийн бүтээлч байдал, судалгаа, тууштай хөдөлмөрийн үр дүн бөгөөд дэлхийн брэндүүдтэй өрсөлдөж чадсан нь Монголчуудын шинэ үеийн бизнес эрхлэх боломжийг харуулж байна.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!