Хормузын хоолой Ираны мөргөлдөөний гол цэг болж, хөлөг онгоцнууд руу чиглэсэн халдлага ширүүсэж байна. Хормузын хоолойн орчимд ачаа тээврийн гурван хөлөг онгоц Ираны пуужингийн цохилтод өртлөө. Үүний дотор Тайланд, Япон, болон Маршаллын арлуудын далбаатай гурван ачаа тээврийн хөлөг онгоц байжээ.
АНУ-ын Ерөнхийлөгч Дональд Трамп хэрэв Иран олон улсын усан замын чөлөөт хөдөлгөөнд саад учруулж, мина байршуулсаар байвал цэргийн хүчээр хатуу хариу барихаа анхаарууллаа.
Үүний зэрэгцээ Ираны тал Иракийн нутаг дэвсгэрийн усан хилд газрын тосны хоёр танкерыг бөмбөгдлөө. Иракийн Газрын тосны яамнаас Персийн буланд газрын тосны танкеруудыг онилсон халдлагууд нь "хурцадмал байдал дээд цэгтээ хүрч буйн түгшүүртэй дохио" хэмээн мэдэгдлээ.
Уг халдлагын улмаас нэг хүн амь үрэгдсэн бол 38 далайчныг авраад байна.
Харин Ираны төрийн мэдээллийн агентлагууд "усан доорх дрон ашиглан хоёр танкерыг дэлбэлсэн" хэмээн мэдээлж, энэ нь тэдний зүгээс авч буй хариу арга хэмжээний дөнгөж эхлэл гэдгийг анхааруулжээ.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!