Японы дээд боловсролын салбарт сүүлийн жилүүдэд гарч буй өөрчлөлтүүдийг зарим нь сорилт гэж харж байгаа ч нөгөө талаас нь харвал энэ нь шинэ боломж, илүү нээлттэй ирээдүйн эхлэл болж байна.
Osaka Tourism University-ийн жишээг авч үзье. 2024 оны байдлаар тус сургуулийн оюутнуудын 69.6 хувь нь гадаадынх болсон байна. Гэвч үнэн хэрэгтээ энэ нь Япон улс боловсролын салбараа олон улсын түвшинд амжилттай нээж байгаагийн илрэл юм.
Yomiuri Shimbun-ий судалгаагаар Японд гадаад оюутны эзлэх хувь өссөн олон арван их сургууль бий. Тухайлбал:
- Shiseikan University – 51.1%
- Ritsumeikan Asia Pacific University – 47.2%
Эдгээр тоо нь зөвхөн статистик биш. Японы их сургуулиуд дэлхийн боловсролын зах зээлд илүү өрсөлдөх чадвартай болж байгаагийн илрэл юм.
Өмнө нь дотоодын элсэлтэд тулгуурлаж байсан олон хувийн их сургуулиуд өнөөдөр олон улсын оюутнуудыг татсанаар:
- соёлын солилцоог өргөжүүлж,
- олон хэл, олон үзэл бодол зэрэгцэн орших орчныг бүрдүүлж,
- оюутнуудыг дэлхийн иргэн болгон төлөвшүүлэх боломжийг нээж байна.
Өөрөөр хэлбэл, анги танхимд зөвхөн мэдлэг бус, өөр өөр соёл, туршлага, үзэл санаа “суралцаж” эхэлжээ.
Япон их сургуулиудын хувьд энэ бол зүгээр нэг амьд үлдэх арга биш
харин шинэ шатанд гарч буй өөрчлөлтийн эхлэл гэж судлаачид үзэж байна. Японыг сонирхох залуусын тоо нэмэгдэж, эсэргээрээ Япон залуус гадаад руу суралцах хүсэлтэй болж буйн тод жишээ юм.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!