Гадаад валютын нөөц 6 тэрбум ам.долларт хүрч, төгрөг чангарав

Гадаад валютын нөөц зургаан тэрбум ам.долларт хүрч, түүхэн дээд хэмжээнд хүрлээ гэж Монголбанк мэдээлэв.Уул, уурхайн бүтээгдэхүүний экспорт эрчимтэй өсөж эхэлсэн нь төлбөрийн тэнцэл, гадаад худалдаа, банкны системээр хийгдсэн гадаад валютын урсгалыг нэмжээ. Засгийн газар, Төв банкнаас эдийн засгийн нөхцөлтэй уялдуулан гадаад зах зээлд гаргасан бондыг дахин санхүүжүүлэх, өндөр дүнтэй гадаад зээлийг эргэн төлж байна. Мөн зээлжих зэрэглэл нэмэгдэж, гадаад санхүүжилтийн таатай орчин бүрдүүлсний үр дүнд 2025.12.02-ны өдрийн эцсийн гүйцэтгэлээр гадаад валютын улсын нөөц 6,014.20 сая ам.доллар болж, түүхэн дээд түвшинд хүрчээ. Гадаад валютын улсын нөөц өсөх нь дотоодын эдийн засаг, санхүүгийн зах зээлийн тогтвортой байдлыг сайжруулах, Төв банкны үндсэн зорилт буюу төгрөгийн тогтвортой байдлыг хангах өндөр ач холбогдолтой.