Брокколи нь шүд цоорох өвчний гол шалтгаан болдог бактерийн хамгаалалтын бүрхүүлийг идэвхтэй устгадаг нэгдлээр баялаг юм. Бид шүдний эрүүл мэндээ хамгаалахын тулд төрөл бүрийн химийн найрлагатай оо, ам зайлагч шингэн хэрэглэдэг. Гэвч бидний өдөр тутмын хүнсэнд хэрэглэдэг брокколи нь хамгийн хүчтэй ам зайлагчаас ч илүү үр дүнтэйгээр шүдийг хамгаалдаг болохыг эрдэмтэд нээжээ.
Израилын Бен-Гурион их сургууль, Хятад болон Сингапурын эрдэмтдийн хамтарсан баг 2023 онд "Antibiotics" сэтгүүлд нэгэн шуугиан тарьсан судалгаа нийтлүүлжээ. Тэд брокколид агуулагддаг байгалийн нэгдэл нь шүд цоорох өвчний гол шалтгаан болдог бактерийн хамгаалалтын бүрхүүлийг (биофильм) идэвхтэй устгадаг болохыг тогтоосон байна.
Шүдний бактериуд нь паалан дээр наалдамхай давхарга үүсгэж, өөрсдийгөө хамгаалдаг бөгөөд энэ нь шүд цоорох эхлэл болдог. Тэгвэл брокколи зажлах үед ялгардаг бодисууд нь энэхүү бактерийг 80 гаруй хувиар бууруулдаг болохыг туршилтаар баталжээ.
Дэлгүүрт зарагддаг ихэнх ам зайлагч шингэнүүд бактерийг устгахдаа амны хөндийн ашигтай бичил биетүүдийг давхар устгах сөрөг талтай байдаг. Харин брокколийн найрлага дахь нэгдлүүд нь:
Судалгааны үр дүнгээс үзэхэд брокколийг дараах байдлаар хэрэглэх нь хамгийн үр дүнтэй:
Жигнэж хэрэглэх: Брокколийг хэт удаан чанаж зөөлрүүлэх нь ашигтай нэгдлүүдийг нь устгадаг. Тиймээс бага зэрэг жигнэж, хатуу байдлыг нь хадгалах хэрэгтэй. Сайн зажилж идэх: Брокколийг зажилж идэх явцад шүдний гадаргуу механикаар цэвэрлэгдэж, бактерийн эсрэг бодисууд шүдний завсар бүрд хүрч ажилладаг. Хэрэв та хоолны дараа шүдээ угаах боломжгүй нөхцөлд байгаа бол хэдэн хэсэг брокколи зажлах нь ам зайлагч хэрэглэснээс илүү үр дүнтэй арга болно.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!